Mga Gawa 28:10-12

Magandang Balita Biblia

¹⁰ Binigyan nila kami ng maraming regalo, at nang paalis na kami ay binigyan pa nila kami ng aming mga kailangan sa paglalakbay.

Mula sa Malta Papuntang Roma

¹¹ Tatlong buwan ang nagdaan bago kami nakaalis doon, sakay ng isang barkong nagpalipas din ng taglamig sa pulo. “Kambal na Diyos” ang pangalan ng barkong ito na nagmula sa Alejandria. ¹² Dumaong kami sa Siracusa at tumigil doon nang tatlong araw.